Dy javë pasi Angelina paraqiti kërkesën për divorc, Brad Pitt është në gjendje të keqe dhe e ka të vështirë ta pranojë rrjedhën që jeta e tij ka marrë, ai është parë shpesh me sytë e përlotur dhe mundohet të gjejë ngushëllim te prindërit, me të cilët flet çdo ditë në telefon.
Kanë kaluar saktësisht dy javë qysh kur Angelina Jolie bëri kërkesën për divorc, menjëherë pas një incidenti që ndodhi gjatë një udhëtimi me avion privat në të cilin u përfshi djali i tyre i madh Maddox. Aktori i famshëm 52-vjeçar po përpiqet ende të marrë veten nga ngjarja që ka përfshirë Departamentin e Policisë së Los Angeles, Departamentin e Sherbimeve familjare dhe avokatët më të mirë.
UsWeekly” raporton se aktori është në një gjendje të keqe dhe ai e ka të vështirë të pranojë se jeta e tij ka marrë këtë rrjedhë. Ai ndihet i dërrmuar dhe është parë i përlotur.
Sipas burimeve ai ndihet shumë i prekur nga e gjitha kjo, dhe arsyeja e vetme që e bën të vazhdojë janë fëmijët.
Ka gjetur mbështetjen morale te familja e tij, të afërmit dhe miqtë e ngushtë dhe gjithashtu te menaxheri i tij. E ëma flet shpesh me të. Prindërit e tij Jane dhe Bill Pitt dhe jetojnë në Missouri. Ai ka një vëlla Doug-un, 50 vjeç, dhe një motër Julie-n, 47.
