Reperi i njohur, Mozzik kthehet në Tiranë pas dy vitesh pa performuar në skenat e kryeqytetit. Këtë lajm e ka bërë të ditur vetë artisti përmes një postimi në ‘Instagram’ në të cilin është shprehur se mezi pret të shohë adhuruesit e tij. “Gati dy vite pa koncerte në Shqipëri…Pa shijuar atë energjinë e mrekullueshme tuajën!!! Mezi po pres t’iu shoh gjithëve me datën 4 Tetor në Cinco Cavalli në Tiranë! Eventi për studenta është nga ora 18:00 deri 22:00. Pastaj në të njëjtin vend pas orës 00:00 e deri në mëngjes djegim vendin si duhet. Tiranë m’ka marr malli për ju. Shifemi ke Cinco me datë 4 Tetor. Vazhdojmë aty ku e kemi lenë, te myslym shyri”, shkruam reperi në foton e postuar. Kujtojmë se Mozzik hoqi dorë nga koncertet, pasi u zhvendos për të jetuar në Zvicër me partneren e tij, Loredanën. Së fundmi dyshja është përfolur për një ndarje të mundshme, por cdo gjë u hodh poshtë nga vetë artistët, kur Mozzik u shfaq në promovimin e albumit të Loredanës.
