Pas fejesës erdhën akuzat për tradhti, reagon Jennifer Lopez

Vetëm 2 ditë më parë, Jennifer Lopez dhe partneri i saj prej 2 vitesh, Alex Rodriguez, dhanë lajmin për fejesën e tyre. Menjëherë pas kësaj, në ‘Twitter’ shpërthyen akuzat për tradhti të Alex ndaj Jennifer. Lojtari w njohur, Jose Canseco, shkruante se Alex e tradhtonte aktoren me ish-bashkëshorten e tij, madje Jose ka qenë vetë prezent kur Alex e ka telefonuar. Por mesa duket, pavarësisht këtyre thashethemeve, Jennifer vazhdon të ketë të njëjtën marrëdhënie me Alex. “Ajo i ka dëgjuar thashethemet në lidhje me tradhtinë më parë, por asnjëherë nuk i ka lënë ato që të ndërhyjnë në lidhjen e tyre. Ajo ka besim te Alex dhe në dashurinë e tij. Janë të pandashëm pothuajse në të gjithë kohën”, shkruan ‘Cosmopolitan’. Duket se Jennifer vërtetë do që ta shijojë këtë periudhë me të fejuarin e saj të ri./revistawho.com