Ferma VIP na ka frymëzuar që në nisje të saj duke rikthyer në trend stilin kauboj e jetën në fermë. E sikur të mos na mjaftonte Ferma, tani kemi edhe një album kantri nga Beyonce.
Albumi i ri i Beyonce quhet “Cowboy Carter”. Albumi përmban 27 këngë dhe është i zhanrit kantri. Në album spikasin Teksas Holdem dhe Sixteen Carriages të publikuara më herët gjatë këtij viti. Ky album i teti në karrierën e saj ka edhe bashkëpunime me yje të tjerë të muzikës Kantri, me të cilët ka ndërthurur zërat, ku veçohet Willie Nelson me këngën Smoke Hour.
Muajin e kaluar, me hitin “Teksas Holdem” Beyonce u bë e para grua afro-amerikane që kryesoi klasifikimet e muzikës së kësaj rryme në shtetet e Bashkuara.
