Pas festës së ‘babyshower’, vijojnë dramat për Meghan Markle

Pikërisht kur mendonim se gjërat ishin qetësuar, Samantha Markle, ‘godet’ sërish gjysmë motrën e saj, Meghan Markle. Gjatë një dokumentari të quajtur “Meghan and The Markles: A Family at War”, Samantha dha disa opinione jo shumë të mira rreth dukeshës. “Ajo nuk ka zemër, nëse do të kishte do të sigurohej që babai i saj të ndihej mirë, do ishte e dashur me të dhe mirënjohëse. Do ta ndihmonte të ishte në gjendje të mirë në këtë moshë”, u shpreh Samantha. Ajo gjithashtu foli për letrën e famshme që Meghan i ka dërguar babait të saj, duke thënë se ka qenë e shkruar në mënyrë strategjike dhe se ajo e quante babain dhe Samantha-n gënjeshtarë. Dramat në familjen e Meghan kanë filluar që në momentin kur ajo u martua me Princin, megjithatë asnjë nga familja mbretërore nuk ka reaguar./revistawho.com