Pas gjithë debateve dhe sherreve, 2 reperet me famë botërore pajtohen

Nicki Minaj dhe Cardi B janë të njohura për debatet dhe sherret publike të cilat kanë degraduar deri në dhunë fizike. Prej kohësh dy vajzat kanë probleme me njëra-tjetrën dhe nuk kanë treguar asnjë shenjë për rregullimin e gjërave. Por më në fund gjërat po marrin drejtim. Lajmi u bë i ditur nga vetë reperet me anë të një statusi të publikuar në ‘twitter’. “Mirë njerëz, duhet të nisim të fokusohemi në gjërat pozitive që shohim vërdallë. Jemi kaq të bekuar. E di që shumë nga këto diskutime janë argëtuese për ju, por unë nuk do vazhdoj të merrem me gjëra pa kuptim. Ju dua”,-ka shkruar Nicki në profilin personal. Cardi B ju përgjigj pak më vonë duke thënë: “Në rregull pra le të jemi pozitivë dhe të shohim përpara”. Kujtojmë se vetëm disa javë më parë mediat publikuan një sherr mes dy vajzave nga ku mbeti e lënduar Cardi./revistawho.com