I njohur nga publiku falë pjesëmarrjes në “Big Brother VIP Kosova”, Mevlan Shaba është tashmë baba prej disa muajsh. Në kohën kur ishte brenda shtëpisë më të famshme, ai kishte rrëfyer se ishte në një lidhje me një vajzë që nuk ka lidhje me botën e famës, partnerja me të cilën sot ndan edhe një fëmijë.
Megjithatë, duket se në jetën artistike të Mevlanit një vend të veçantë e mban ende Livia. Ai ka zgjedhur të ndajë në Instagram disa momente nga një projekt muzikor, ku në video shfaqet edhe ajo.
Këngëtari nuk ka dhënë detaje të mëtejshme për raportin e tij aktual me Livian, por publikimi i këtij materiali ka ngjallur kureshtje te ndjekësit.
