Vetëm një ditë pasi u pa pa unazën e martesës, Hailey Bieber ka tërhequr vëmendjen sërish, këtë herë për shkak të një detaji që shumëkush e quajti një “përgjigje të heshtur”. Të shtunën mbrëma, modelja 28-vjeçare u shfaq në New York me unazën e martesës në dorë, një ndryshim i menjëhershëm nga dita e premte kur mungesa e saj ngjalli spekulime për një përçarje me Justin Bieber.
Mediat raportuan për tensione mes çiftit, të cilat duket se u përforcuan nga zërat për një debat në Ditën e Babait. Burime pranë çiftit pohuan se Hailey e kishte quajtur Justin-in një “fëmijë të mallkuar” dhe i kishte kërkuar të kërkonte ndihmë profesionale, pas disa postimeve të pazakonta të këngëtarit në rrjete sociale.
Rikthimi i unazës duket si një përpjekje për të qetësuar spekulimet, megjithatë fansat mbeten të ndarë rreth asaj që po ndodh realisht me martesën e çiftit. Në rrjet, komentet vazhdojnë: disa e konsiderojnë këtë si një sinjal për “qetësi pas stuhisë”, të tjerë dyshojnë se është vetëm për sy e faqe.
A është kjo një shenjë se gjërat janë në rregull mes tyre, apo thjesht një veprim për të heshtur zërat? Përgjigjet mbeten të paqarta. Ndërkohë, Hailey dhe Justin vijojnë të jenë në qendër të vëmendjes – me apo pa unazë.
