Sot, 23 Gusht është ditëlindja e kantautorit shumë të dashur për publikun Flori Mumajesi. Por kjo nuk është një ditë e lumtur për Florin. Data 23 i kujton atij ndarjen nga jeta të njeriut më të shtrenjtë, nënës. Nëna e Florit ndërroi jetë në 23 Shkurt të vitit të kaluar për shkak të problemeve me zemrën. Flori ka publikuar një foto nga fëmijëra me nënën dhe shprehet se nuk e di nëse ditëlindja e tij është më në këtë datë pasi iku nga jeta ajo e solli në jetë.
“Nëpërmjet muzikës kam ndarë ndër vite copëza shpirti, prej kohësh nuk e bëj më, mbase prandaj e ndjeva kaq të nevojshme ta ndaja edhe aq shpirt sa më ka mbetur me këtë foto dhe pikërisht sot! Sot u zgjova djersitur dhe sa bëra të çohem nga krevati më erdhi era Loke, era mushe, era mam, era që më ka rritur, era jetë, era që vdisja ta nuhasja duke zhytur kokën në qafë, era më e mirë në botë. Më mungon është pak ta them, çdo ditë të kam para syve si luftove duke më shtrënguar dorën deri në frymën e fundit. Asnjë urim s’ma mbush dot shpirtin kur s’e kam një telefonatë nga ty, një mesazh! Më ike ditën që më linde mushe, nuk e di a është më ditëlindja ime në datën 23”, ka shkruar Flori.
