Në datë 29 janar pritet të publikohet filmi më i ri nga Ermal Mamaqi “I love Tropoja”. Përveç kësaj, Ermali ka rezervuar edhe një surprizë tjetër për të gjithë ndjekësit. Ai ka vendosur që për këtë film të realizojë edhe një dokumentar, i cili me siguri do të pritet me pa durim ashtu si dhe filmi. Lajmin e ka dhënë vetë Ermali me anë të një postimi në “Instagram”. Ky dokumentar do të zbulojë çdo gjë rreth prapaskenave të filmit, do të transmetohen të gjitha gafat, skenat e prera, historitë që kanë shkaktuar të qeshura dhe sigurisht një intervistë e aktorëve.
