Big Brother VIP Albania nuk ndalet së habituri. Në një mbrëmje ku pritej vetëm një eliminim i radhës, publiku u përball me një skenë që shkaktoi tronditje: Jozi, sapo u largua nga shtëpia, i dha një shuplakë Gjestit.
Ngjarja shpërtheu rrjetet sociale, ndërsa produksioni reagoi menjëherë, duke u distancuar nga çdo akt dhune.
Por ajo që çuditi më shumë ishte reagimi i vetë Gjestit. Në një bisedë me Eglin, ai e minimizoi incidentin me të qeshura:
“I tmerrshëm jam… e pe si ia hapa derën? S’ka pas faj që më ka rënë, s’ka pas faj, vallahi.”
Për disa ky koment tingëlloi si ironi, por qëndrimi i tij dukej serioz. Egli u ndje e shqetësuar dhe e ndërpreu bisedën:
“Mos fol për këtë.”
As zëri i Big Brother-it nuk mungoi, duke i kujtuar Gjestit të rregullonte mikrofonin – një ndërhyrje që la të kuptohej se situata po i dilte pak nga kontrolli.
