Disa ditë më parë aktori turk, Tolgahan Sayisman tregoi në rrjetet sociale se ishte infektuar me ‘Covid-19’ dhe për shkak të gjendjes së rënduar shëndetësore u shtrua në spital. Fill pas këtij momenti ndjekësit u shqetësuan edhe për gjendjen shëndetësore së partneres së tij, Almeda Abazi. Ish- missi shqiptar tregoi se gjithë familja kishte rezultuar pozitive me ‘Covid-19’.
Megjithatë tanimë duket se ditët me delikate kanë kaluar dhe Tolga është rikthyer në shtëpi, ndërsa Almeda është duke e marrë veten ngadalë.
“Më në fund duke u ndjerë pak më mirë sot. Faleminderit të gjithëve që keni pyetur”, ka shkruar Abazi krah fotos ku shfaqet në oborrin e shtëpisë së saj duke marrë rrezet e diellit dhe ajrin e pastër.
Ne i urojmë shërim sa më të shpejtë Almedës dhe gjithë familjes së saj pas kësaj situate./revistawho.com
