Gazetari dhe publicisti Arjan Konomi, bëri sot xhiron e portaleve me një intervistë në programin e Rudina Magjistarit, ku tregoi për gjyqin me Soni Malajn. Disa prej fjalëve të gazetarit në intervistë, dolën nga konteksti dhe u kthyen në tituj bombastikë (përfshi këtu edhe një artikull në revistën Who, për të cilin kërkojmë ndjesë). I shqetësuar për formën që kishte marrë lajmi, Konomi na kontaktoi për të sqaruar se nuk ka asnjë koment për të bërë mbi jetën e Sonit, gjithçka mund të thotë për të lidhet me zërin e saj dhe muzikën që bën. “Soni është një këngëtare e mrekullueshme. Kam respekt për të dhe punën që bën”, – ka thënë Konomi, i cili përmes telefonatës në “Who” kërkoi t’i jepet fund spekulimeve. / revistawho.com
