Bashkëpunimi i Elvana Gjatës me këngëtarin e njohur Ty Dolla Sign rezultoi mjaft i suksesshëm. Mes dy artistëve u duk se pati një kombinim shumë të mirë dhe “Off Guard” deri më sot ka marrë komente shumë pozitive nga publiku. Por mesa duket ky nuk do të jetë bashkëpunimi i fundit i Ty Dolla Sign me një këngëtar shqiptar.
Këngëtari me origjinë shqiptare, Albert Stanaj, shumë i njohur në Amerikë, me anë të një postimi në ‘Instagram’ ka ngritur dyshimet për një duet me Ty Dolla Sign. Ai ka publikuar një fotografi në të cilën të dy këngëtarët shihen duke kënduar dhe ka shkruar: “Uh oh… ne mund të kemi bërë diçka ‘të çmendur’”. Megjithatë Stanaj nuk ka dhënë asnjë detaj më tepër nga ky bashkëpunim, prandaj do të na duhet të presim ditët në vijim ose derisa të publikohet kënga. /revistawho.com
