Modelja e njohur shqiptare, Oriola Marashi, ka vendosur të flasë hapur për herë të parë mbi statusin e saj sentimental. Përmes një postimi të fundit në rrjetet sociale, ajo ka ndarë me ndjekësit një moment të ëmbël dhe plot humor, duke konfirmuar se është e dashuruar.
Në foton e publikuar, Oriola shfaqet me partnerin e saj, ndërsa i drejtohet me një shaka tipike:
“Unë duke e lutur të dashurin tim që të ma bëjë vetëm një fotografi të mirë. Vajza, a keni edhe ju probleme me këtë gjë apo vetëm unë?”
Ky detaj i thjeshtë, por domethënës, mjaftoi për t’i dhënë fund spekulimeve që kanë qarkulluar prej muajsh. Deri më tani, modelja nuk kishte komentuar për lajmet se ishte në një lidhje apo e fejuar, por këtë herë vendosi ta konfirmojë me stilin e saj të natyrshëm dhe të sinqertë.
