Ndonëse këto ditë, reperi i njohur Chris Brown ka flirtuar në ‘Instagram’ duke lënë komente provokuese në llogarinë e ish-të dashurës së tij, Rihanna apo Ammika Harris, duket se nuk është mjaftuar me kaq. 30-vjeçari ka puthur një prej balerinave në skenë teksa ka qenë duke performuar, duke i habitur kështu të gjithë fansat që ishin prezent në koncertin e mbajtur në Detroit ditën e djeshme.
Pas këtij veprimi Chris reagoi përpara kameras me një mimikë të çuditshme dhe vazhdoi performancën e tij.
Videoja gjatë këtij momenti ka bërë xhiron e rrjetit, ndonëse deri më tani Brown ka zgjedhur mos ta komentojë në asnjë lloj forme. Kujtojmë se kjo nuk është hera e parë që artisti tërheq vëmendjen e publikut me skena të papritura. Edhe më parë ai ka qenë në qendër të mediave për shkak të raporteve surprizuese me partneret e tij dhe jo vetëm./revistawho.com
https://www.instagram.com/p/B3Ep27tA4s6/?utm_source=ig_embed&utm_campaign=embed_video_watch_again
