Ronela Hajati di si të jetë në qendër të vëmendjes dhe për ta bërë këtë nuk mjaftojnë vetëm këngët e saj. Së fundmi këngëtarja ka publikuar disa foto ku shfaqet shumë e bukur, por me një detaj ndryshe. Ajo ka bashkuar vetullat me anë të grimit, një detaj ky që nuk është pritur mirë nga një pjesë e fansave. Komentet në fotot përkatëse kanë qenë të shumta dhe një pjesë e tyre janë shumë negative.
Mbase disa nuk e kanë kuptuar, por Ronela ka kthyer në vëmendje me këto foto Frida Kahlon, piktoren me origjinë meksikane që revolucionizoi artin në fillim të shekullit të kaluar. Ajo njihet për kryeveprat që ka realizuar në pikturë dhe për sfidimin e modës dhe stilit të atyre viteve me veshjet e saj dhe me vetullën e bashkuar. Për Fridën, bukuria nuk kishte standarde.
Pikërisht nga figura e saj është frymëzuar edhe Ronela, e cila sot, për t’ju kundërpërgjigjur të gjithëve atyre që folën keq për të publikoi sërish një foto me ‘look-un’ e veçantë, por këtë herë me ‘lot’ në sy. Krahas saj ajo shkroi: “Unë kur pashë komentet për vetullën”.
Edhe njëherë tjetër me ironinë dhe me mënyrën e saj të veçantë të të shprehurit, Ronela tha shumëçka drejtuar atyre që flasin negativisht. /revistawho.com
