Këngëtari i hitit “Creep on me”, Gashi, momentalisht është duke shijuar suksesin e tij në Amerikë dhe në çdo vend tjetër të botës. Gjithashtu, ai është shumë aktiv në rrjetet sociale dhe ditën e djeshme kishte publikuar në ‘Instagram’ një video të një vajze duke kërcyer përpara tij. Reagimi i prindërve të tij ishte shumë qesharak dhe ka qenë vetë këngëtari që ka publikuar bisedat në ‘Instagram’. Menjëherë pas këtyre, është detyruar të fshijë videon. “Mos e bëj veten të dukesh sikur po jeton një jetë të keqe. Mos bëj veprime që të mund të na bëjnë të ndihemi të turpëruar prej teje”, i ka shkruar babai. Sigurisht Gashi e ka marrë situatën me humor dhe ia ka kthyer duke i thënë se tani është duke jetuar një jetë prej gangsteri dhe se ato duhet të ndalojnë së pari postimet e tij në ‘Instagram’, ose ndryshe do t’i bllokojë. “Mami dhe babi ju dua aq shumë sa e hoqa videon. Shihemi së shpejti”, i ka shkruar Gashi, duke e mbyllur bisedën me këto fjalë të ëmbla./revistawho.com
