Pas konferencës për shtyp të Loredana Zefit, reagon zviceriania

Ditën e sotme, Loredana Zefi, Mozzik dhe dy avokatët e tyre, dhanë konferencë për shtyp në Prishtinë, për akuzat e fundit ndaj Loredanës. Gjatë konferencës, këngëtarja u shpreh se asgjë nuk kishte ndodhur me dhunë apo mashtrim, por çdo gjë ishte bërë me dëshirën e palës tjetër, pra të çiftit zvicerian. Duke qenë se e gjithë konferenca u transmetua ‘live’, fjalët e Loredanës nuk i kanë shpëtuar dhe gruas zviceriane që është quajtur si ‘viktima’ e kësaj të fundit. Ajo ka reaguar menjëherë për portalin ’20 minuten’, duke u shprehur: “Kur pashë të qeshurën superiore të Loredanës, nuk mund të shihja më shumë. Ajo nuk ka njerzillëk. Paratë nuk janë marrë aspak në mënyrë vullnetare. Ajo më terrorizonte mua dhe bashkëshortin tim”. Pas kësaj, nuk ka pasur asnjë reagim nga këngëtarja apo të afërmit e saj dhe ndoshta ajo zgjedh të qëndrojë në heshtje, megjithatë kjo mbetet për t’u parë./revistawho.com