Pas kritikave për fitoren në ‘Grammy’, Cardi B mbyll ‘Instagram-in’

Cardi B arriti të triumfonte në kategorinë ‘Albumi më i mirë rap’ në ‘Grammy Awards’, një nga çmimet më të rëndësishëm për këngëtarët. Megjithatë menjëherë pas fitores, Cardi u përball me kritika të forta nga një pjesë e madhe e njerëzve, të cilët mendonin se ajo nuk e meritonte këtë çmim. Për shkak të kritikave të shumta Cardi vendosi të çaktivizonte llogarinë e saj në ‘Instagram’. Përpara se ta mbyllte në një video në rrjetin social ajo ka treguar se është e lodhur nga të gjitha fjalët, sepse ka punuar fort për albumin e saj. Më pas ajo e fshiu dhe bëri një postim të gjatë, në të cilin tregonte se sa shumë kohë kishte kaluar në studio për të punuar albumin, gjatë kohës që ishte dhe shtatzënë. /revistawho.com