Kylie Jenner pak javë më parë i dha fund marrëdhënies së saj me Travis Scott dhe këtë periudhë ka vendosur ta kalojë duke gjetur ngushëllim me disa blerje luksoze. Miliarderja 22-vjeçare bleu një makinë “Bugatti Chiron”, të cilën e publikoi në rrjete sociale. Jenner postoi një video të makinës 3 milionë dollarëshe shoqëruar me figurën e një zemre portokalli. Por fansat nuk e pritën aspak mirë këtë postim të Kylie-t, duke qenë se tregon qartë jetën e saj superluksoze.
https://www.youtube.com/watch?v=LPrbNz-sIAk
“Si mund ta justifikojnë njerëzit blerjen e më shumë makinave seç duhet, kur ka njerëz që nuk mund të ushqehen. E kuptoj që janë paratë e tua dhe i fiton vetë, por nuk e kuptoj faktin që nuk bëni mirë. Paratë që shpenzove me këtë makinë mund të ushqeje një fshat për një vit të paktën”, ka komentuar një ndjekës i saj. Të tjerë fansa në rrjete sociale janë shprehur po njësoj, duke thënë se këto shpenzime janë të tepërta kur ka njerëz që vuajnë për të ngrënë. Kujtojmë se pak ditë më parë Kylie konfirmoi ndarjen nga Travis përmes një postimi në ‘Twitter’, duke thënë se fokusi kryesor është miqësia dhe vajza e tyre, Stormi. /revistawho.com
