Pink ka rënë shpesh pre e komenteve ofenduese për familjen e saj, ndaj së fundmi ajo ka marrë një vendim shumë të rëndësishëm. Gjatë intervistës së saj për emisionin “The Ellen DeGeneres Show” këngëtarja ka premtuar se nuk do të publikojë asnjë foto të fëmijëve apo familjes së saj në rrjete sociale. Ky vendim vjen pasi Pink mori kritika të shumta për postimin e një fotoje, në të cilën fëmijët e saj shiheshin duke luajtur me një pelikan, por djali nuk mbante veshur pelenë. “Njerëzit shkuan aq larg sa që thoshin se duheshin lajmëruar shërbimet për fëmijët, sepse djali im nuk kishte pelenë. Qava shumë pas kësaj, sepse mua më pëlqen t’i publikoj fotot e familjes sime. Këto janë momentet e mia më krenare. Jam më shumë krenare për fëmijët e mi, se sa për çdo gjë tjetër që kam bërë në gjithë jetën time. Tani nuk do të postoj më asnjë foto të tyre”, ka thënë Pink.
https://www.instagram.com/p/BvqsPX5hZoN/?utm_source=ig_embed
Më tej ajo ka shpjeguar se në foton e publikuar nuk shihte asgjë të keqe, sepse është diçka normale që një fëmijë të mos mbajë pelenën. Gjithashtu ajo ka shtuar se nuk është kundra kritikave, por ato duhen thënë me mirësjellje. Personazhet e njohur janë më shumë të ekspozuar ndaj të tilla komenteve në rrjete sociale, ndaj Pink nuk është e para që merr një vendim të tillë për të mbrojtur fëmijët. /revistawho.com
