Pas dedikimeve të tyre plot dashuri dhe tatuazheve në trup, u duk se lidhja e Morena Tarkut dhe Sasha Sobhani do të vazhdonte gjatë. Megjithatë vetëm pak javë pasi lidhja e tyre u zbulua, ata të dy duket se i kanë dhënë fund.
Ditën e djeshme Sasha postoi një video duke djegur një byzylyk dhe u vu re se ata nuk e ndjekin më njëri-tjetrin në rrjete sociale.
Ndërsa Morena si për t’i shtuar më shumë dyshimet për ndarje, ka publikuar në ‘Instagram’ një video ku e quan të dashurin e saj ‘gay’. “Kur zbulon se i dashuri jot është ‘gay’”, – ka shkruar ajo. Ndërkohë pas kësaj, Sasha ka publikuar video duke u argëtuar nën shoqërinë e disa vajzave, si një kundërpërgjigje ndaj Morenës. /revistawho.com
