Ditën e djeshme, deklarata e reperit Cozman për largimin e tij nga labeli “Babastars” i befasoi të gjithë. Ai u shpreh se ishte lodhur nga reperat fallco që janë askushi.
Mirëpo, ndërkohë që fansat prisnin që lajmi mos të ishte i vërtetë, nëpërmjet një statusi në “Facebook” menaxheri i labelit, Dekorim Sahiti ka qartësuar situatën, duke konfirmuar largimin e Cozmanit.
“Babastars’ ka qenë dhe do të mbetet.”Babastars” është çdo person qe e ndjen veten babastars, në këtë rast babastars jeni edhe ju. Sa i përket muzikës në të janë ata që punojnë dhe veprojnë, sa më përket mua si menaxher… e menaxhoj Ghetto Geasy-n, Majk dhe Onat. Së shpejti projekte të reja dhe për një kohë edhe artistë të rinj. Besoj që jam i qartë, faleminderit shumë”, shkruan Dekori.
Nga fjalët kuptohet mjaft qartë, që emri i Cozmanit nuk është më pjesë e “Babastars”.
