2 ditë më parë Miriam Cani dhe Alban Skënderaj treguan se në 7 maj kishin kurorëzuar me martesë dashurinë e tyre 12-vjeçare. Gjithçka e bënë në fshehtësi të plotë në një ceremoni private në ishujt Maldive, vend ku Albani i propozi Miriamit në 2013-tën. Në fakt duket se surprizat nga ana e çiftit të njohur nuk kanë përfunduar ende, sepse ata kanë përgatitur diçka më të madhe për fansat e tyre. Miriami ka publikuar në ‘Instagram’ një fotografi shumë romantike, në të cilën shihet hija e saj dhe e Albanit në një perëndim dielli. Këngëtarja e shoqëroi foton me mbishkrimin: “30.05.2019” dhe me një ‘emoji’ dhurate.
Ajo nuk dha asnjë detaj tjetër, por nga komenti i Albanit arritëm të zbulonim diçka. “Përveç ditëlindjes tënde po vjen dhe një surprizë domethënë”, ka shkruar Skënderaj poshtë fotos. Pas këtij komenti të gjithë kanë kuptuar se Miriami dhe Albani në 30 maj do të publikojnë një këngë në bashkëpunim me njëri-tjetrin, e cila mund të mbajë titullin “Duam”.
Në fakt pak muaj më parë ata zbuluan se shumë shpejt do të publikonin një këngë të re dhe duket se pikërisht për këtë projekt bëhet fjalë. Ndoshta kjo këngë do të jetë një dedikim për gjithë vitet e tyre të dashurisë, por çdo detaj do ta zbulojmë vetëm për pak ditë, derisa kënga të publikohet. /revistawho.com
