Disa ditë më parë, këngëtarja e njohur e ‘showbiz-it’ të huaj, Katy Perry zbuloi për të gjithë ndjekësit se ishte në pritje të ëmbël me fëmijën e saj të parë me Orlando Bloom.
Komentet dhe urimet e ndjekësve qenë të shumta, teksa Perry nuk e fshehu entuziasmin e një momenti kaq special në jetën e tyre.
Së fundmi Katy ka zgjedhur të flasë për raportin me Orlandon publikisht, duke prahuar se çelësi i suksesit në një marrëdhënie është lënia e hapësirës për partnerin. Ajo ka treguar se në një marrëdhënie duhet t’i japësh lirinë dhe hapësirën e nevojshme partnerit, në mënyrë që lidhja të funksionojë.
Më tej këngëtarja ka pohuar se çiftet duhet ta suportojnë njëri-tjetrin nëse duan që çdo gjë të funksionojë siç duhet.
Kujtojmë se Perry e mbajti të fshehtë shtatzëninë e saj për disa muaj rresht, megjithatë tregoi se kjo është periudha më e ëmbël në jetën e saj./revistawho.com
