Në episodin e ardhshëm në “Keeping Up With The Kardashians” e gjitha familja Kardashian-Jenner përfshihen në një ‘luftë’ me ushqime në shtëpinë e Khloe. Kjo e fundit publikoi në rrjete sociale një video nga kjo pjesë, por ndjekësit nuk e kanë pritur aspak mirë. Menjëherë pas postimit ata kanë shpërthyer në komente negative ndaj personazheve të njohur, sepse sipas tyre ato kanë shpërdoruar ushqimet, për të cilat shumë njerëz në mbarë botën vuajnë.
“Shpërdorim ushqimi… Mendoj vetëm për ushqimin… Ka aq shumë njerëz që janë të uritur dhe ato luajnë me ushqim… një harxhim i turpshëm. Nuk jam e surprizuar në fakt”, ka shkruar një ndjekëse e Khloe-s në ‘Instagram’. Ndëra të tjerë e kanë quajtur këtë veprim të vajzave të njohura të papranueshëm, të turpshëm dhe si diçka që nuk tregon respekt ndaj familjeve të varfra dhe ushqimit.
https://www.instagram.com/p/B40u9D3h9RZ/
Megjithatë kishte dhe të tjerë që ju dolën në mbrojtje duke thënë se ato kanë ndryshuar jetën e shumë njerëzve me paratë që kanë dhënë për bamirësi. “Nëse ju interesojnë kaq shumë të pastrehët dhe çështjet që shqetësojnë botën flisni çdo ditë. Jo ditën kur Kardashian-ët vendosin të bëjnë një luftë me ushqime”, ka komentuar dikush. Kjo nuk është hera e parë që familja e njohur përballet me komente kritikuese, megjithatë pritet të shohim nëse do të ketë një reagim prej tyre për këtë çështje. /revistawho.com
