Mbështetja për Eugent Bushpepën gjatë përfaqësimit në Eurovizion i bëri të gjithë shqiptarët bashkë. Kënga e tij arriti të renditet në vendin e 11-të, pavarësisht se u pëlqye shumë dhe u cilësua si ndër më të mirat. Që prej rikthimit nga Lisbona, Eugenti ka qenë i ftuar në shumë programe televizive, por jo vetëm. Së fundmi ai ka qenë i ftuar nga Presidenti i Republikës Ilir Meta. Foto që ka publikuar në profilin e tij në ‘Instagram’ përveçse është e veçantë tregon një anë tjetër jashtë profilit të zyrtarit për Ilir Metën. “Me Presidentin me Rock në Botë! Z.PRESIDENT shumë faleminderit për vlerësimin dhe mikpritjen!”, -ka shkruar Eugenti krahas fotos. Si mendoni duken bukur të dy kështu?/revistawho.com
