Me një video në kanalin e saj në ‘Youtube’, Tea tregoi se tanimë e ka kaluar lëndimin më të madh nga e gjithë situata e krijuar. Megjithatë ajo ka pohuar se nuk ka qenë e lehtë ta kalonte këtë kur të gjithë i uronin vdekjen, por e rëndësishme është fakti se ka pasur mbështetjen e njerëzve më të afërt.
Dhe deri këtu jemi ok, pastaj hapet sërish drama më e madhe e saj, të paktën ajo kështu e quan, historia ‘Tea-Andi-Beart’.
“Njerëz të dashur e gjithë kjo gjullurdi e bërë këto ditët e fundit ka qenë sepse unë dhe Andi nuk kemi qenë kurrë bashkë. Ai emison, ajo çfarë kemi shfaqur atje nuk ka qenë reale. Unë dhe Andi kemi qenë vetëm miq”, ka pohuar Tea duke theksuar se sapo orët e xhirimeve mbaronin ajo vazhdonte jetën e saj jashtë dhe Andi po ashtu. Pra çfarë shihni në ekran, mbetet në ekran, si ajo shprehja e famshme: Çfarë ndodh në Vegas, mbetet në Vegas.
Pas këtij momenti ajo ka thënë se njerëzit, ekzaktësisht një shqiptari e tërë duhet të ngrihet edhe për kauza më të rëndësishme, pasi vërdallë ka kriminelë, vrasës, përdhunues e shumë të tjerë që po e dëmtojnë vendin çdo ditë, e nuk duhet t’i prekë diçka që në fund të ditës ndikon tek ajo dhe pak njerëz rreth saj. Këtu mirë e ka, por halli është se nga ato komente iu mbyll ‘Instagrami’, ose e mbylli. Këtë nuk e dimë.
Po familja? Dinte gjë familja?
“Familja ime ka qenë në dijeni të gjithë kësaj situate para se të plaste. E kanë takuar Beartin”, ka treguar Tea, ndërsa e pyetur se pse nuk doli pas Beartit nga formati, shtoi se në atë kohë nuk kishin ende diçka bashkë, pra dashuria ka ardhur ca më vonë.
Por ç’ndodhi që nuk iku më vonë? Tea ju jep një përgjigje nga Kina se si veproi produksioni me Fjorelën. (Vajza që u largua pasi pohoi se kishte njohur dikë tjetër jashtë)
Në fund Tea tregoi se do të rikthehet sërish duke iu përgjigjur pyetjeve që mbërrijnë në adresën e saj, e nëse prisni pak do i ndajë dhe ca foto nga festa e ndërrimit të viteve me Beartin në Kosovë. Pra ju vazhdoni komentoni, se gjërat janë vënë në vijë tashmë./revistawho.com
https://www.youtube.com/watch?v=E9lpVhV5ets
