Futbolli është kthyer padyshim në një ndër sportet më të dashura jo vetëm për djemtë, por edhe vajzat në vendin tonë. Shumë tifoze apo modele janë tërhequr nga ky sport i bukur, ku disa prej tyre kanë guxuar edhe të jenë pjesë e tij si prezantuese në mediat sportive. Gjatë muajit të “Botërori 2018”, shumë vajza simpatike të ekranit si, Vilma Masha, Viola Spiro, Hygerta Sako, Ilda Bejleri, Bora Zemani etj, u angazhuan duke na përcjellë “live” emocionet e këtij kampionati.
Pothuajse çdo ditë para ekranit, përveçse e bukur kjo eksperiencë për to ka qenë edhe e vështirë. Lodhja e një muaji të gjatë ka bërë që vajzat menjëherë pas përfundimit të kampionatit të nisin pushimet. Dikush ka zgjedhur Shqipërinë dhe dikush vendet jashtë.
Ilda Bejleri ka zgjedhur të udhëtojë jashtë vendit për t’u relaksuar në një nga resortet më të famshëm në botë.
Vilma Masha ka preferuar të pushojë në një resort në Durrës, nga ku ka publikuar edhe një foto mjaft të bukur.
Viola Spirto sapo i ka nisur pushimet. Nëpërmjet një postimi të bërë pak orë më parë ajo shfaqet mjaft tërheqëse në aeroportin e Selanikut.
Epo kalofshi bukur vajza, i meritoni këto ditë pas lodhjes së gjatë./revistawho.com
