Në muajin maj, Princ Harry dhe Meghna Markle kurorëzuan dashurinë e tyre me martesë. Së fundmi në rrjet kanë filluar të shpërndahen disa njoftime se pas muajit të mjaltit Dukesha Meghan është në pritje të ëmbël. Për më tepër thuhet se ajo do të sjellë në jetë binjakë, një djalë dhe një vajzë. Sipas revistës ‘Ok!’ Harry dhe Meghan janë shumë të lumtur për këtë gjë dhe nuk kanë mundur ta mbajnë të fshehtë duke ja treguar menjëherë Princit William dhe bashkëshortes së tij Kate Middleton.
“Ata nuk e prisinin që të vinte kaq shpejt ky moment, por tani janë shumë të lumtur aq më tepër që presin binjakë”, – tha një burim për ‘Ok!’. Megjithatë Meghan nuk ka treguar ende asgjë, duke qenë se në fotografitë e saj barku dhe trupi duket normal. Kate po mundohet t’i japë këshilla Meghan për kujdesin e fëmijës, duke qenë se ajo ka eksperienca të mëparshme. Ajo po i tregon çdo gjë që di, që nga mënyra si ta mbajë të fshehtë në publik e deri tek ushtrimet përpara shtatzënisë. /revistawho.com
