Adele prej pak muajsh mban statusin si beqare dhe duket se kjo periudhë po i shërben për t’u kujdesur më shumë për veten. Para 4 ditësh ajo publikoi një foto me grupin “Spice Girls” dhe të gjithëve ju ra në sy transformimi në trupin e saj. Adele dukej me më pak kilogramë dhe më elegante. Sipas “The Sun” këngëtarja ka aplikuar një metodë të veçantë të ‘pilates’ për të humbur peshë.
Tabloidi i njohur ka zbuluar se Adele ka rënë më shumë se 6 kilogramë nga pesha duke përdorur një makineri të ‘pilates’ të quajtur reformues. ‘Pilates’ është një metodë të ushtruari shumë e njohur në perëndim që konsiston në forcë muskulore, fleksibilitet me ndikim të ulët dhe lëvizje të qëndrueshme. Por makineria që përdor Adele jep më shumë rezultat dhe përdoret për stërvitjen intensive. Për më tepër Adele nuk është e vetmja që e përdorë këtë metodë, sepse edhe personazhe të tjerë shumë të njohur si Jennifer Aniston, Madonna dhe Kate Winslet kanë provuar të njëjtën gjë. Kujtojmë se këngëtarja i dha fund martesës 3-vjeçare me Simon Konecki dhe tashmë është tërësisht e fokusuar tek vetja dhe djali 6 vjeç, Angelo. /revistawho.com
