Gjatë kësaj jave babai i këngëtarit të ndjerë, Michael Jackson, ndërroi jetë në moshën 89-vjeçare pas një beteje të vështirë me kancerin. Pas vdekjes së tij, familja Jackson kishte menduar një mënyrë shumë të veçantë për ta nderuar. Vajza e Michael, Paris Jackson në ‘Instagram’-in e saj publikoi disa video, në të cilat shihej së bashku me të gjithë personat e saj të afërt duke “festuar jetën”.
Më gjithë pjesëtarët e saj të familjes ajo kërceu disa këngë të viteve 1969 të zhanrit soul/funk. Në këtë nderim Paris e shoqëronin edhe dy kushërinjtë e saj Austin dhe Yushi Brown. Këto video vajza e Michael Jackson i shoqëroi me mbishkrimin: “Familja ime dhe unë festuam jetën mbrëmjen e djeshme”.
Pas marrjes së lajmit për ndarjen nga jeta të gjyshit të saj, Paris vendosi t’i dedikonte atij disa fjalë shumë prekëse dhe zbuloi se gjyshi i kishte premtuar se do ta vizitonte si “fantazmë” përpara se të largohej nga kjo jetë. /revistawho.com
