Këngëtarja Jessie J e ka nisur vitin 2019 me një lajm të keq. Truproja i saj, Dave, u nda nga jeta, lajm ky i cili e ka pikëlluar shumë artisten e njohur. Nëpërmjet disa fotove që ka publikuar në ‘Instagram’, Jessie J është shprehur se e konsideronte atë si një person të familjes dhe prandaj ka marrë vendimin të largohet nga mediat sociale dhe t’i kushtojë më shumë vëmendje personave që ajo do më shumë. Këtë lajmërim e ka bërë për fansat e saj ditën e djeshme dhe ka shkruajtur: “E fillova vitin me disa ndodhi personale shumë të rënda që më kanë bërë të jem më prezente në jetën time. Të kaloj më shumë kohë me njerëzit që dua dhe me veten time. Kur ndjehesh e mërzitur, gjëja më e mirë që duhet të bësh është ta shprehësh atë qê të të mos pushtojë dhe sigurisht kam nevojë të punoj në disa gjëra dhe emocione me gjithë dashurinë dhe vëmendjen time. Duhet të praktikoj te vetja ime atë çfarë them në skenë dhe nëpërmjet muzikës time gjithashtu. Kështu që po marr një pushim nga mediat sociale për pak kohë. Që tani çdo gjë që do postoj do jetë nga skuadra ime dhe vetëm në lidhje me punën. Dua të jetojë momentin sa më shumë të mundem dhe jo nëpërmjet telefonit. Gëzuar Vitin e Ri. Viti i të jetuarit jetën tënde. Shihemi së shpejti”. Shpresojmë që kjo gjë ta bëjë këngëtaren të ndihet më mirë, në mënyrë që të kthehet sa më pranë fansave.
