Pas lajmit që bëri xhiron e rrjeteve, ndarja e Orlando Bloom dhe Katy Perry nuk ka kaluar pa komente nga njerëzit më të afërt me çiftin. Dhe kush më i përshtatshëm për të folur sesa ish-bashkëshortja e aktorit, supermodelja Miranda Kerr?
Në një intervistë për “Kyle & Jackie O Show” në KIIS FM, Miranda u shpreh se marrëdhënia mes ish-bashkëshortit të saj dhe këngëtares ka përfunduar në mënyrë miqësore.
“I pashë vetëm gjatë fundjavës. Po festonim ditëlindjen e Daisy-t”, tregoi ajo, duke bërë të ditur se mes tyre vazhdon të ketë komunikim për hir të vajzës së vogël.
Por ajo që surprizoi më shumë fansat ishte deklarata e saj për Katy-n: “Jemi një familje e madhe dhe e lumtur. Katy është e mrekullueshme, e dua.
Supermodelja shtoi se sekreti i marrëdhënieve të shëndetshme qëndrën tek harmonia: “Nëse ka armiqësi, vetëm dëmton.
Bloom dhe Perry konfirmuan fundin e lidhjes më 3 korrik, ndërsa Kerr, që sot ka ndërtuar një “familje moderne” me Evan Spiegel dhe tre fëmijët e tyre, nuk ngurron të tregojë se mes tyre ekziston respekt dhe afërsi.
“Ne shkojmë me pushime familjare së bashku, shijojmë shoqërinë e njëri-tjetrit. Ndihemi shumë mirë që kemi këtë familje të madhe”, tha ajo.
