Modelja e njohur, Kendall Jenner i ka surprizuar të gjithë ndjekësit në mbarë botën me ndryshimin e fundit në ‘look’. 23-vjeçarja u shfaq në javën e modës në Londër me flokë ngjyrë biondë. Kendall sfiloi për markën e njohur ‘Burberry’, duke prezantuar koleksionin e ri të pranverës të vitit 2020, megjithatë ajo çfarë i befasoi të gjithë ishte pamja e modeles.
Me një fund në ngjyrë të errët, këmishë dhe xhaketë të bardhë, Jenner dukej si një njeri tjetër. Të shumtë kanë qenë ndjekësit të cilët e kanë venë në dukje faktin se nuk arrinin ta dallonin me këtë ndryshim drastik.
Një javë më parë Kendall u shfaq me flokë në gjyrë të errët në New York, megjithatë nuk dihet nëse ky është një ndryshim i përhershëm apo i përkohshëm i saj./revistawho.com
