Binjakët e njohur, Romeo dhe Donald Veshaj kanë festuar sot ditëlindjen e tyre mes shumë urimesh nga miqtë e tyre, por dhe ndjekësit që kanë ndarë momente të ndryshme të dy vëllezërve në skenë. Së fundmi edhe Romeo ka publikuar disa foto me binjakun e tij dhe familjen, duke i dedikuar urimin më të bukur.
“Asnjehere vetem! Gjithmone bashke! Edhe 100 vjec forca ime! ❤️ @donaldveshaj #lafamiglia”, ka shkruar Veshaj krah postimit i cili ka sjellë një varg tjetër urimesh në llogarinë e aktorit. Ndonëse Romeo e ngacmon shpesheherë Donaldin edhe publikisht duke treguar anën e tyre karizmatike, duket se në ditë speciale si e sotmja gjen fjalët më të veçanta për të.
Kujtojmë se jo më larg nga dje, Romeo na tregoi në një intervistë ekskluzive për ‘Revista Who’ se shumë shpejt do të rikthehet në ekran me vëllain me një format ‘Late Night Show’, i cili do të ngjisë në skenë edhe një aktore shumë të njohur shqiptare./revistawho.com
https://www.instagram.com/p/CEmYEmLFzgb/
