Pas nisjes me vonesë të koncertit, fansi hedh në gjyq Madonna-n

Gjatë koncertit të kësaj jave në Las Vegas, Madonna u shpreh se mbretëresha nuk është kurrë vonë, duke qenë se performanca e saj u shty me gati 2 orë. Turma në koncert e duartrokiti këngëtaren për atë që tha, por duket se jo të gjithë e kanë pritur mirë vonesën e saj. Nate Hollander, i cili kishte blerë bileta për koncertin, e ka hedhur në gjyq artisten për vonesën. Ai ka paditur jo vetëm Madonnan, por edhe ‘Live Nation’ për ndryshimin e orarit të koncertit. Nate pretendon se ka një kontratë mes këngëtares dhe atij që blen biletën për koncert, ndaj orari duhet respektuar. Kur Hollander ka blerë biletën ishte vendosur që koncerti do fillonte në orën 20:30, por në 23 tetor Madonna dhe ‘Live Nation’ vendosën që koha e shfaqjes të ishte 22:30. Fansi i këngëtares pretendon se nuk është ofruar asnjëlloj kompensimi për vonesën e koncertit. “Dhe nëse përpiqemi ta rishesim biletën nuk fitojmë paratë e humbura, pasi biletat kanë pësuar një humbje ekstreme të vlerës për shkak të ndryshimit të orarit. Kjo e bën shitjen të pamundur”, ka thënë Nate Hollander shkruan “CNN”. Ai ka treguar se ka paguar më shumë se 1 milion dollarë për tre bileta, të cilat sipas tij nuk ishin më të vlefshme nga momenti i ndryshimit të orarit. /revistawho.com