Ditën e djeshme ka ndërruar jetë aktorja e njohur turke me origjinë shqiptare, Aysen Gruda. Aktorja e shumë filmave të suksesshëm ndërroi jetë në moshën 74-vjeçare në një spital privat në Stamboll, ku po kurohej nga sëmundja e rëndë e kancerit. Lajmin e bëri të ditur për mediat spitali ku aktorja po qëndronte nëpërmjet një deklarate. Ata janë shprehur se Aysen ndërroi jetë paqësisht pasditen e 23 janarit.
Që prej vitit 1963 deri në vitin 2008, Aysen Gruda ka luajtur qindra role në teatër dhe kinematografi, duke e bërë atë një prej emrave më të rëndësishëm të artit turk.
Aysen Gruda ishte e lindur në Stamboll dhe karrierën e saj e zhvilloi në Turqi, megjithatë asnjëherë nuk mohoi origjinën e saj shqiptare./revistawho.com
