Dy aktorët e njohur të humorit, Bes Kallaku dhe Olsi Bylyku, përveç projekteve të përbashkëta në ekran dhe muzikë, janë duke rezervuar një tjetër surprizë shumë të bukur për të gjithë ndjekësit e tyre. Dyshen të cilën u mësuam ta shihnim bashkë gjatë këtij sezoni në ekranin e ‘Tv Klan’ në ‘B.E Coffee’ së bashku me kolegun e tyre, Erion Isai, janë duke u përgatitur për të sjellë një projekt të ri për publikun. Ka qenë Bylyku ai i cili ka publikuar një foto nën logon e ‘Loku Film’ së bashku me Besin dhe kryeredaktoren e ‘B.E Coffe’, Suada Dacin.
Burime për ‘RevistaWho.Com’ ka zbuluar se shumë shpejt dyshja do të sjellë një film të zhanrit komedi. Të njëjtat burime kanë konfirmuar se programi ‘B.E Coffe’ do të vazhdojë të transmetohet në emisionin ‘E diela shqiptare’, ashtu siç ishim mësuar ta shihnim deri më tani, edhe në sezonin e ardhshëm televiziv, por pa aktorin Erion Isai, për shkak të angazhimeve të tij të fundit në politikë.
Siç duket dyshja do të punojë paralelisht për të dyja projektet të cilat kërkojnë jo pak impenjim. Kallaku dhe Bylyku nuk kanë preferuar të bëjnë publike një datë lidhur me filmin e tyre, por ky detaj pritet të bëhet e ditur në javët në vazhdim nga vetë aktorët e humorit./revistawho.com
