Selena Gomez ka qëndruar për një kohë të gjatë larg syrit të publikut duke u përpjekur t’i shmangë komentet negative në rrjete sociale. Megjithatë pas kësaj shkëputjeje duket se 27-vjeçarja është gati të rinisë jetën e saj. Burime ekskluzive zbuluan për ‘Eonline’ se Selena ndihet shumë mirë tashmë dhe ka arritur ta ndryshojë totalisht mënyrën e jetesës së saj.
“Selena ka transformuar tërësisht jetesën dhe shëndetin e saj. Ajo po ja del mbanë, pasi ka arritur të përmirësohet nga sëmundja Lupus”, kanë treguar njerëz pranë këngëtares.
I njëjti burim shtoi se Gomez është e gatshme të njohë njerëz të rinj, por nuk dëshiron të nxitohet pasi është e fokusuar të karriera e saj. Ajo ka shkruar gjithashtu këngë të reja dhe me shumë mundësi do t’i publikojë ato vitin e ardhshëm./revistawho.com
