Pas një viti “pushim” Elvana Gjata gati këngën e re

“Love me” ishte hit-i i fundit që kemi dëgjuar prej Elvana Gjatës. Duket se strategjia menaxheriale e saj është që të mos mungojnë edhe shkëputjet, në mënyrë që publikut t’i mungojë artistja. Por pritja mori fund. Vetë Elvana por edhe kantautori Flori Mumajesi kanë shpërndarë një video “misterioze” që na njofton se së shpejti do të shohim prodhimin e ri muzikor të këngëtares shqiptare e cila me sa duket do të vijë solo. Në të shënohet se do të ketë një premierë në kanalin “Vevo” në Youtube të Elvana Gjatës në orën 19:30. Por nuk shënohet data ndaj me shumë gjasa videoja e re do të shfaqet për herë të parë sot.