Pas operacionit, Adriana Matoshi kthehet në Kuvend, ku pritet me duartrokitje

Ditën e sotme, Adriana Matoshi i është kthyer punës në kuvendin e Kosovës dhe është pritur me entuziazëm dhe shumë ngrohtësi nga kolegët e saj deputetë.
Ajo u prit me duartrokitje nga gjithë salla, teksa kryetari i kuvendit u shpreh: “Kësaj seance sapo i dha jetë më shumë, deputetja që sapo arriti, Adriana Matoshi, deputetja jonë e nderuar. Ka kaluar nëpër një ndërhyrje kirurgjike të vështirë dhe ja ka dalë, jo vetëm sepse vetë është e fuqishme, por sepse në çdo moment e në çdo sekondë kemi qenë me ty. Kështu që në emër të Kuvendit edhe të të gjithë deputetëve të urojmë shëndet e jetë të gjatë”.
Adriana Matoshi është jo vetëm aktore, por edhe deputete e Lëvizjes Vetëvendosje. Sot ajo ishte e pranishme pasi ndër të tjera do diskutohej shqyrtimi për herë të dytë i projektligjit mbi ndarjet buxhetore për 2022-in.