Ardit Gjebrea ka treguar se ka një lidhje shumë të ngushtë me vajzën e tij, Annën, që pavarësisht se rritet çdo ditë e më shumë për moderatorin mbetet ende e vogla e tij. Babë e bijë kanë një raport për t’u admiruar, por Arditi është shprehur se koha që ka humbur me të është një nga pengjet më të mëdha. Moderatori i njohur është vazhdimisht i angazhuar me punë të ndryshme, diçka që e ka penguar t’i dedikojë më shumë kohë vogëlushes së tij.
Megjithatë ditët e verës, me mbarimin e sezonit televiziv, Arditi mundohet t’ja kushtojë vetëm Annës për të zëvendësuar orët e humbura me të. Ai ka publikuar në ‘Instagram’ një fotografi në të cilën shihet se është duke luajtur bashkë me vajzën në një ambient, që duhet të jetë nga shtëpia e tij. Bashkangjitur fotos Arditi ka shkruar: “Më në fund erdhën ditët t’i dedikohem me kohë të plotë Anna Gjebreas”.
Në foton e postuar Anna shihet duke luajtur ‘bowling’ dhe në portretin e saj lexohet qartë lumturia. Kujtojmë se përveç Annës Arditi ka dhe një djalë të quajtur Jon, i cili prej disa vitesh jeton në SHBA. /revistawho.com
