Pas përfundimit të “Hell’s Kitchen”, Renato zbulon nga e ka marrë ‘vesin’ e thyerjes së pjatave

Renato Mekolli kurorëzoi me sukses dy ditë më parë finalen e emisionit ‘Hell’s Kitchen’.
Ky format bëri që figura e tij të diskutohej shumë, madje shumë prej fjalive të përdorura nga shef Renato janë kthyer në batutat e momentit. Por ajo që ka tërhequr më shumë vëmendjen është thyerja e pjatave në momentet e nervozizmit me konkurentët. Mekolli ka zbuluar në ‘Instagram’ të vërtetën se nga e ka marrë thyerjen e pjatave.
Renato ka jetuar për një periudhë të gjatë në Greqi dhe atje frekuentonte jetën e natës në buzuqe. Aty ka mësuar ndër të tjera dhe këtë veprim që zgjoi shumë reagime te publiku.
“Ja nga e kam marrë thyerjen e pjatave.Pyetja që ju ka ngacmuar të gjithëve gjatë gjithë episodeve të Hell’s Kitchen: sa pjata u thyen?
Kuriozitetin po ua shuaj sot më në fund. Kliko në www.renatomekolli.com dhe mëso se sa pjata janë thyer. Fiksimin e thyerjes së pjatave e kam nga buzuket e Greqisë. Thyejmë pjata dhe hedhim karafila kur kërcejmë në buzuk. Ju dua! Shihemi së shpejti”, shkruan Renato.