Pas pjesëmarrjes në ‘Sanremo 2020’, Alketa Vejsiu ka vendosur të japë mbrëmjen e sotme një intervistë ekskluzive rreth gjithë ngjarjeve që shkaktuan mjaft bujë muajt e fundit. Këtë lajm e ka dhënë vetë moderatorja me anë të një postimi në rrjetet sociale.
“Ndër të paktat intervista që kam dhënë, ky sonte ne ora 22.00, do të jetë një “Hard Talk” nga @blendifevziu në ‘Opinion’ @rtvklan. Për të sqaruar gjithë zhurmat e dy muajve të fundit dhe për të ndarë gëzimin më të madh profesional me publikun shqiptar dhe me Shqipërine time të dashur që mbetet gjithmonë “ me para”, kudo të shkoj! Me të njëjtën veshje të Konferencës për shtyp përpara mediave italiane në Sanremo, isha në studion e ‘Opinion’ për të vazhduar konferencën për shtyp për mediat shqiptare! @blendifevziu shumë faleminderit që ishe me mua në këtë pervojë fanastike me stafin tënd dhe @drini.zeqo, por edhe për “Opinion” sonte! Për mua këto momente shkruajnë historinë time të jetës! E vlerësoj shumë! Sonte përballë @blendifevziu ora 22.00 #Opinion #thebest #tvklan”, ka shkruar Vejsiu krah postimit të saj më të fundit.
Kujtojmë se prezenca e Alketës dhe fjali i saj i mbajtur në ‘Sanremo’ shkaktoi mjaft zhurmë jo vetëm në Shqipëri, por edhe mediat italiane të cilat e komplimentuan gjerësisht daljen e saj në skenë./revistawho.com
https://www.instagram.com/p/B8Zd047Hz-V/?igshid=9btunoy98bpg
