Pak ditë më parë, aktori i njohur i humorit, Bes Kallaku prezantoi para të gjithëve premierën e projektit të tij kinematografik të quajtur ‘Falco’. Pjesë e kastit të aktorëve ishin disa nga emrat më të njohur të ‘showbiz-it’ shqiptar, përfshirë këtu aktorë, modele dhe këngëtare.
Në rolin e djalit kryeneç, Arben Derhemi ishte një nga emrat i cili e bëri për vete publikun me punën e tij. Së fundmi aktori i njohur i skenës shqiptare, ka zgjedhur që me anë të një postimi në rrjetet sociale, të tregojë përshtypjet e tij pas xhirimeve të cilat zgjatën për disa muaj.
“Besi ke bërë një dedikim se je rritur me filmat e mi dhe të falënderoj, por një gjë dua ta them edhe unë. E gjithë kënaqësia ishte e imja, përqafoj gjithë stafin”, ka shkruar Derhemi në foton e shkëputur nga premiera e ‘Falco’.
Siç duket bashkëpunimi i aktorëve ka rezultuar mjaft i suksesshëm dhe me siguri e ardhmja do t’i bëjë bashkë edhe në projekte të tjera kinematografike./revistawho.com
https://www.instagram.com/p/B5NcOuxJhIO/
