Këtë javë Angela Martini ishte e pranishme në Tiranë për të prezantuar librin e saj “Dashuri, Shpresë, Dritë” në panairin e librit. Gjatë tre ditëve të panairit Angela qëndroi në stendë për të firmosur të gjithë librat që blenë fansat e saj.
Duke qenë se ajo jeton shumë larg Shqipërisë, Angela është larguar sërish në vendin ku ka ndërtuar jetën e saj. Ajo ka publikuar në ‘Instagram’ një video në të cilën shihet se është gati për të udhëtuar me avion dhe ka treguar se kjo eksperiencë në Shqipëri ja vlejti. “Mirupafshim Shqipëria… Jam e rraskapitur pas kësaj jave të jashtëzakonshme, por ja vlejti të shikoja fansat e mi. Ju dua të gjithëve”, ka shkruar Martini bashkangjitur fotos.
Në librin e saj “Dashuri, Shpresë, Dritë” Angela ka shkruar për të gjithë jetën e nënës së saj, Nexhmije Ibrahimi, që nuk ka qenë aspak e lehtë. Në intervista të ndryshme televizive modelja ka rrëfyer se nëna e saj është martuar 4 herë dhe se edhe vetë Angela ka pasur një jetë të vështirë për shkak të keqtrajtimit nga njerka.
