Seldi Qalliu u nda nga e fejuara e tij Dafina Zeka, gazetari Milaim Zeka poston foton e parë me të bijën. Ishvjehrri i Qalliut ka takuar të bijën nga martesa e parë për një gëzim, dhe që ka qenë pikërisht ditëlindja e saj. “Duke festuar ditëlindjen e princeshës sime. 100 iu bëfsh babit, qofsh e lumtur!”, shkruante Zeka në mbishkrimin e fotos. I pyetur nga “Panorama” se çfarë ndodhi mes vajzës së tij dhe këngëtarit nga Tirana, që mori fund papritur fejesa 5-vjeçare, ai përgjigjet: “Nuk di asgjë se ç’ndodhi”, duke lënë të kuptohet që prej vitesh ka qenë në distancë të kësaj marrëdhënie, dhe po ashtu ndarjes së tyre. Prej vitesh, vetë Milaim Zeka në deklaratat e tij mediatike nuk ka folur ndonjëherë për Seldin, ndërsa e ka cilësuar vajzën e tij “njëra prej dhuratave më të mira të jetës”. E bija që jeton në Stockholm të Suedisë, u mësua më vonë që është vajza e gazetarit Milaim Zeka, i cili për publikun shqiptar u bë i njohur si anëtar i jurisë së spektaklit “Dancing with the Stars”. Ajo është vajza nga martesa e parë e Miliamit, që tashmë ka krijuar një familje tjetër me ishgazetaren nga Tirana, Edlira Qefalia, e cila sapo ka sjellë në jetë fëmijën e saj të dytë. Këngëtari Seldi Qalliu, pas publikimit të klipit “Seldisht”, e konfirmoi vetë lajmin e ndarjes. “Aq shkoi, kaq ishte e shkruar. E rëndësishme është që u ndamë në mënyrë të qytetëruar”, u shpreh ai. Ata u takuan rastësisht pesë vite më parë, periudha kur Seldi përflitej për një aferë mediatike me kolegun e tij, Sinan Hoxha. Në atë zhurmnajë ai u fotografua për herë të parë me Dafinën në pubet e Prishtinës, tek argëtoheshin çift. Në fillim u mendua se ishin vetëm shokë, por nuk u desh shumë kohë që ata ta zyrtarizonin lidhjen. Lajmin e parë për nisjen e një historie rozë mes një këngëtari dhe një vajze të panjohur, e bënë mediat lokale të Pejës, duke publikuar disa foto të çiftit. Ata shfaqeshin shumë të dashuruar, por nuk dihet ende nëse distanca ka qenë ajo që ka çuar në prishjen e fejesës./Panorama
