Meghan Markle është një nga emrat më të lakuar të familjes mbretërore. Ajo ka sjellë shumë ndryshime në pallatin ‘Kensington’, ndaj dhe nga mediat e huaja është quajtur “uragani” i familjes mbretërore.
Një ndër temat më të bujshme ka qenë konflikti i Meghan me babain e saj. Në fillim të këtij muaji ajo i shkroi babait të saj një letër emocionale ku shprehej se ishte e zhgënjyer pasi ai kishte gënjyer shtypin.
Pas këtij veprimi, letra e dukeshës u bë publike nga posta e së dielës, ndërsa pallati mbretëror nuk dha asnjë deklaratë rreth kësaj situate. Së fundmi Meghan ka kërcënuar do t’i hedhë në gjyq për publikimin e letrës, pasi kanë cënuar të drejtat e privatësisë së saj.
Nuk dihet ende se si do të vazhdojë kjo situate, por pritet të bëhet e ditur në ditët në vijim./revistawho.com
